Актилек Гүлжигит кызы: “Арактын кесепетинен турмушта көп кыйынчылыктар болду”

Актилек Гүлжигит кызы: “Арактын кесепетинен турмушта көп кыйынчылыктар болду”
4-Май 2019, Ишемби, 15:19

Белгилүү журналист, алып баруучу Актилек Гүлжигит кызы фейсбук баракчасына балдарына ыраазы болуп, өткөн жашоосуна кылчайып карап, пост жазды.

"Раматылык жолдошум (жер кабар айтпасын) менен кыйсыпыр урушуп жашап жүргөндө, балдарым эс тартып калган экен. Арактын кесепетинен турмушта көп кыйынчылыктар болду. Сегиз жыл жашаган болсом, жарымынан көбү көзүм көгөрүп жүрдүм. Үйдө баары талкаланган. Менин көйгөйүм идиш-аяк, буюм-тайым эмес эле, мен балдарыма эмне тамак берем деп тыбырчылачумун. Мунун баарын балдарым көрүп эле чоңоюшту.
Мындай күндөрдүн биринде балдарымдын атасы келип, колумдагы күмүш шакекти сурады. "Сен аракка алмаштырып ичип коесуң!", - деп бербей койдум. Ал кезде күмүштүн баасы азыркыдан кымбатыраак болчу. Каршылык көрсөткөнүмө карабай колумдан жулуп кетип, ичип салган эле. Ошондо балдарымды кучактап алып, аябай ыйлаган элем.
Ушул окуя балдарымдын эсинде калган сыягы. Азыр акча үнөмдөп, көпкө топтоп жүрүп ар 2-3 айда шакек, сөйкө, мончок, шуру белек кыла турган болушту. Сүрөттөгү шакекти жаз майрамына карата беришкен. Колума тагып жатып, балам минтип айтты: "Апа, биз чоңойгондо чыныгы алтын, алмаздарды тагынасыз. Азырынча ушуну тагып туруңуз. Эч качан күмүш такпайсыз", - деди. Баламдын бул сөзү жүрөгүмдү тилип кетти да, келечекке болгон үмүтүмдү жандырды.
Балдарымдын азыртан мага жардамчы болуп жатканы бир чети кубандырат. Экинчи уулум кошуна-колоң, классташтарына майда-чүйдө сатып жүрүп 100 сомду 700 сом кылып көбөйтүптүр. Анын 470 сомуна жазга бут кийим алып, 30 сомун жолго иштетиптир. Эрте менен ишке жөнөп жатсам, жолго деп мага 200 сом берди. Элжиреп кеттим...
Карааныңардан кагылайындарым...” – деп жазды.

Актилек айымдын бул жазганына 800гө чукул “жакты” басылып, балдарын “Актилектин арстандары” деп алкап, жакшы каалоо-тилектерди айтышты.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР
Назира Айтбекова: Уулун жалгыз баккан карапайым келинмин
Назира Айтбекова: Уулун жалгыз баккан карапайым келинмин
Илим Карыпбеков: Дырылдаган бойдон жетип келдим го
Илим Карыпбеков: Дырылдаган бойдон жетип келдим го
 Самара Каримова: Кыргызстандын бийик тоолорун эстеп жатам
Самара Каримова: Кыргызстандын бийик тоолорун эстеп жатам
Ырчы Гүлжигит Калыков кырк жылкылуу болду
Ырчы Гүлжигит Калыков кырк жылкылуу болду
Самат Эркинбеков: Жора байке менен Гуля эже киного тартыла баштады
Самат Эркинбеков: Жора байке менен Гуля эже киного тартыла баштады
 Сайкал Садыбакасова: “Кыргыз бала табылбай калдыбы?” деп сурашты
Сайкал Садыбакасова: “Кыргыз бала табылбай калдыбы?” деп сурашты
Сапаргүл Абдинабиева: Бул жыл - өмүрүмдүн эң оор жылы болду
Сапаргүл Абдинабиева: Бул жыл - өмүрүмдүн эң оор жылы болду
Жээнбеков Сауд Арабиясынын парламентинин спикери жолугушту
Жээнбеков Сауд Арабиясынын парламентинин спикери жолугушту
Радик Батыршин «Данакер» ордени менен сыйланды
Радик Батыршин «Данакер» ордени менен сыйланды
Шашылыш билдирүү: абанын температурасы +40 градуска жетет
Шашылыш билдирүү: абанын температурасы +40 градуска жетет
 Жүргүнчүлөрдү акысыз ташыган автобус ишке кирди
Жүргүнчүлөрдү акысыз ташыган автобус ишке кирди
Жумабеков Ибрахим Аль Аш Шейх менен жолукту
Жумабеков Ибрахим Аль Аш Шейх менен жолукту
Уйкусуздукка себеп кылган факторлор
Уйкусуздукка себеп кылган факторлор
​Конор Макгрегор кайрадан мелдешке чыгат
​Конор Макгрегор кайрадан мелдешке чыгат
Сары жана ак жумуртканын арасындагы айырмачылык кандай?
Сары жана ак жумуртканын арасындагы айырмачылык кандай?
Мамлекеттик салык кызматынын төрагасы кызматынан бошотулду
Мамлекеттик салык кызматынын төрагасы кызматынан бошотулду