Нурлан Насиптин туулган күнүнө Асель Кадырбекова эмне берди?

Нурлан Насиптин туулган күнүнө Асель Кадырбекова эмне берди?
11-Сен. 2019, Шаршемби, 11:55

Кечээ, 10-сентябрда эстрада ырчысы Нурлан Насиптин туулган күнү болуп, ырчы 29 жашка чыкты.

Ал Инстаграмм баракчасына 9-сентябрдан онуна караган түнү саат он экиден өтүп үйүнө чарчап келсе, аны апасы, жубайы, туугандары менен шам күйгүзүлгөн тортту кармап күтүп турушкан видеосун жүктөдү. Ал досторун жана күйөрмандарынын куттуктоолоруна ыраазычылык билдирип буларды жазды:

“Түнкү саат 00:00дөн кийин чарчап келсем үйдөгүлөр куттуктайбыз деп күтүп отурушуптур. Бир туугандарым дагы топтолушуптур. Майрам түндө эле башталып, жубайым кымбат-баалуу жыпар-жыттуу атыр тартуулады. Азыр жумуштарым менен көчөгө чыгып баратып ошол жыпар-жыттуу атырды себинип алдым. Негизи туулган күнүмдү белгилейин деген планым жок болчу. Жашың улуулаган сайын убакыттын көпчүлүк бөлүгүн үй-бүлөң менен чогуу өткөргүң келе берет экен. Бирок досторум кечинде чакан кече өткөрөлү дешти. Ошондой эле социалдык тармак аркылуу куттуктап жаткандарга ыраазычылыгымды билдирем»,-деди ал.

Видеодо жубайы Асель Кадырбекованы, карындаштары, апасы Нурланды жумуштан келээри менен торт кармап тосуп алганын көрүүгө болот.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!