Сыймык Бейшекеев устатын куттуктады

Сыймык Бейшекеев устатын куттуктады
9-Окт. 2019, Шаршемби, 16:26

Кыргыз Республикасынын эмгек сиңирген артисти Сыймык Бейшекеев кечээ устаты Улукмырза Полотовду куттуктады.

Ал дүр-дүйүм дасторкондун четинде чыгармачыл артисттер, Улукмырза Полотов менен түшкөн сүрөтүн коюп, алдына мындай пикир калтырды:

“Улуу устатыбыз Улукмырза Полотовдун, атабыздай камкор агайыбыздын жакында өткөн туулган күнүн шакирттери куттуктап сый тамакка чакырдык, агайыбыздын устаттык жолунда шакирттери 2 эл артисти, 24 эмгек сиңирген артист болуптурбуз, дагы көптөгөн жетишкендиктер сиздин накыл кептериңиз, туура багытыңыз, ак батаңыз менен орундалаар, бар болуңуз устатым, дөөлөттүү карылыктын доорун сүрүп кылым жашаңыз!”,- деп жазды.

Эскерте кетсек, бир нече мамлекеттик сыйлыктын ээси, КР эл артисти Улукмырза Полотов 1943-жылы 3-октябрда төрөлгөн.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!