Белгилүү “Тумар” бий тобунун мүчөсү Карабек уулу Талгат үйлөнүү үлпөтүн өткөрдү. Бул тууралуу ырчы Неля Нуркулова маалымдады.

“Эл аралык деңгээлде Кыргызстандын намысын коргоп жүргөн “Тумар” тобунун бийчиси Талгат үйлөндү. Буйруса, алган жары жакшы чыгып Талгаттын ачылбай жаткан көп таланттары ачылып, бийик ийгиликтерди багынтат деп ишенебиз. Кармашкан колуңар түбөлүк болсун”,-деп каалоосун айтты Фейсбуктагы баракчасына ырчы айым.

Эскерте кетсек, «Тумар» бийчилер тобу “Биз Чехословакиянын таланттарыбыз”, «Yetenek Sizsiniz» сыяктуу бир катар эл аралык сынактарда өз өнөрлөрүн тартуулап, ийгиликке жетишкен.