Джим Керри Россия үчүн “Facebook”тан кетти

Фарида Жумакадырова

Актер Джим Керри “Facebook” тармагынан чыкты. Голливуддун актеру бул кылыгы менен Россиянын 2016-жылы өткөн АКШдагы президенттик шайлоого аралашуусуна нааразычылыгын билдирүү чечимин кабыл алган. Бул тууралуу ал “Twitter”деги баракчасына жазган.

«Мен “Facebook”ка өзүмдүн акцияларымды сатам жана өз баракчамды өчүрүп жатам. Себеби бул компания биздин шайлоого Россиянын аралашуусунан акча тапты жана бул жагдайды оңдоо үчүн эч нерсе кылган жок», - деди Керри.

Ошондой эле, ал келечекти ойлогон башка дагы инвесторлорду андан үлгү алуусуна үндөдү.