​Ибрагимович каршылашын башка коюп,оюндан чыкты

​Ибрагимович каршылашын башка коюп,оюндан чыкты
22-Май 2018, Шейшемби, 16:18

Швеция курама командасынын футболчусу жана "Лос-Анджелес Гэлакси" футбол клубунун чабуулчусу Златан Ибрагимович каршылашын башка коюп, кызыл карточка алды. Бул тууралуу «Советский спорт» басылмасы билдирди.

Окуя башкы футбол лигасынын (MLS) 12 айлампасында канадалык «Монреаль Импэкт» командасы менен болгон беттешүүдө катталды. Канадалык команданын жарым чабууулчусу Майкл Петрассо кокустан Ибрагимович бутун басып алганда ал чыкканагы менен башка коюп алды.

Оюнду видео кайталанма менен караганда калыстар Златан Ибрагимовичке кызыл карточка берип, оюн талаасынан чыгарды.

Ага карабай «Лос-Анджелес Гэлакси» 1:0 эсебинде «Монреаль» командасын жеңип алды.

Эсиңиздерге сала кетсек, 22-мартта Златан Ибрагимович «Манчестер Юнайтед» клубу менен коштошуп, «Лос-Анджелес Гэлакси» клубуна өткөн. Атактуу футболчу «Манчестер Юнайтед» клубунда эки сезон ойноду. Бул учурда футболчу үч чоң жеңишке жетишти. Алар Англия лигасынын кубогу, Англиянын супер кубогу жана Европа лигасын жеңип алышкан. Премьер-лиганын 33 беттешүүсүндө 17 гол киргизип, 5 натыйжалуу шарт түзүп берген.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!