​Бүгүн ЧЛ финал күнү Мухаммед Салах орозосун бузду

​Бүгүн ЧЛ финал күнү Мухаммед Салах  орозосун бузду
26-Май 2018, Ишемби, 11:29

Бүгүн Киев шаарында УЕФАнын Чемпиондор лигасынын финалында “Ливерпуль” жана “Реал” беттешет. Чемпиондор лигасынын финал күнү Египет курама командасынын футболчусу жана англиялыктардын “Ливерпуль” футбол клубунун жарым коргоочусу Мухаммед Салах орозосун бузду.Бул тууралуу «Советский спорт» басылмасы кабарлады.

Маалыматка ылайык «Ливерпуль» футбол клубунун дарыгери Рубен Понс “Биз Марбелье шаарында машыгууда жүргөндө Салах орозо кармап жаткан. Бирок шартка жараша жума, ишемби (эки күн) күндөрү орозо кармоону токтотууну туура көрдүк. Финалдан кийин Салах орозо кармоону улантат”-, деп билдирди.

Эсиңиздерге сала кетсек, Египеттик атактуу футболчу англиянын Премьер-лигасынын жылдын мыкты футболчусу тандалган. Быйылкы сезондо Салах “Ливерпуль” командасы менен 31 гол жана 10 натыйжалуу жыйынтык көргөзө алган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!