Роналду “Реалдан” кетүү чечимин кабыл алды

Роналду “Реалдан” кетүү чечимин кабыл алды
8-Июнь 2018, Жума, 11:29

Португалиялык футболчу Криштиану Роналду “Реалдан” кетүү боюнча акыркы чечимин кабыл алды. Атактуу футболчу мадриддик клуб жетекчилиги финансылык талаптарына макул болбогундугуна катуу нааразы экендигин “Record” радиосуна таянып, Чемпионат.Com сайты жазып чыкты.

“Реал Мадрид” клубунун президенти жана башкы директору Хосе Анхель Санчес португалиялык футболчунун айлыгын 75 миллион еврого чейин көтөрүү талабын аткара албастыгын агенти Жорж Мендешке билдиришкен.

Бул окуяга Роналду катуу ачууланган себеби Перес менен айлыгын көбөйтүү боюнча жаңы келишим түзүүнү сүйлөшкөн болчу.

Учурда португиялык футболчуга француздардын "Пари Сен-Жермен" жана англиялыктардын "Манчестер Юнайтед" клубу кызыгып жатат. Ал эми мадриддиктер менен болгон мурдагы келишими 2021-жылына чейин түзүлгөн. Роналдунун трансфер каражаты 100 миллион еврого бааланууда.

Эсиңиздерге сала кетсек, Криштиану Роналду «Реал Мадрид» футбол клубунда 2009-жылдан бери ойноп келатат. Ушул убак аралыгында ал эки жолу Испаниянын чемпиону, эки жолу Кубок жана өлкөнүн Супер кубогун, үч жолу Лига Чемпиондугун жеңип алган. Португалиялык футболчу Криштиану Роналду 2017-жылдын мыкты футболчусу жана “Алтын топ” сыйлыгынын 4 жолку ээси болгон.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!