​Мухаммед Салах агынан жарылды

​Мухаммед Салах агынан жарылды
9-Июнь 2018, Ишемби, 13:47

Египет курама командасынын футболчусу жана англиялыктардын “Ливерпуль” футбол клубунун жарым коргоочусу Мухаммед Салах Чемпиондор лигасынында”Реал” менен беттешүүдө (1:3)футбол карьерасындагы эң жаман учурду жашагандыгын билдирди. Салах анда катуу жараат алып оюндан чыгып калган.

Салах “-Бул мен үчүн абдан оор болду. Бир учурда эмнегедир дүйнө чемпионатына катышпай каламбы деген ойлор келди. Бул менин футбол карьеримдеги эң жаман учур” деп айткандыгын Марса басылмасы жазды.

Салах эртең Москвага учуп келет.Ал калыбына келүү программасын Орусияда улантат. 25 жаштагы атактуу футболчу Чемпиондор лигасынын финалында жарат алган жана калыбына келүүсүнө үч жума убакыт кетээри белгиленген.

Египет курама командасынын лидери бүгүн командасына кошулат жана эртең 10-июнда Москвага учат.

А группасындагы Египед, 15-июнда Уругвай,19-июнда Орусия,25-июнда Сауд Арабия командасы менен беттешет. Египет курама командасынын футболчусу Мухаммед Салах 27-майда жарат алып,Испанияда дарылануу курсуна кеткен.

Эсиңиздерге сала кетсек 25 жаштагы атактуу футболчу Чемпиондор лигасынын финалында “Реалга” каршы беттешүүнүн 27 мүнөттүндө каршылашы Серхио Рамос менен топ талашып, жаракат алган. Египеттик чабуулчу далысын кокустатып алгандыктан оюн талаасынан көз жаштары менен чыгып кеткен.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!