​2026-жылы футбол чемпионаты үч өлкөдө өткөрүлөт

​2026-жылы футбол чемпионаты үч өлкөдө өткөрүлөт
14-Июнь 2018, Бейшемби, 03:20

2016-жылкы дүйнө футбол чемпионаты АКШ, Канада жана Мексика өлкөлөрүндө биргелешип өткөрүлөт. Мындай чечим, кечээ Москвада өткөн Эл аралык футбол федерациясынын (ФИФА) конгрессинде кабыл алынды. Алардын берген арызы катышуучулардын 134 добушу менен колдоого ээ болду. Чемпионатты өткөрүүгө мындан тышкары Марокко өлкөсү арыз берген, бирок 65 добуш менен өткөн жок.

Келечектеги футбол чемпионатында тарыхта биринчи жолу 48 команда ат салышат. Алар 34 күндө 80 футбол беттешүүлөрүн өткөрүшөт.

ФИФАнын генералдык катчысы Фатма Самура билдиргенине караганда чемпионат үчүн Марокко 9 стадион куруп жана бешөөнү оңдошу керек болчу. Ал эми биргелешкен 3 өлкө 17 даяр стадион жана 6сы оңдоп түзөлө турган стадиондорун сунушташкан.

Мындан тышкары Мароккодо чемпионат өткөрүлсө, алдын-ала түшчү кирешелер 7,2 млрд долларды түзгөн. Ал эми биргелешкен үч өлкөнүн кирешеси 14,3 млрд доллар болгон.

Мексика 1970 жана 1986-жылдары, АКШ болсо 1994-жылы дүйнө чемпионаттырын өткөрүшкөн.

Ал эми 2022-жылындагы футбол чемпионаты Катарда өткөрүлөт.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!