Көчмөндөр оюндарына 102 өлкө катышат

Көчмөндөр оюндарына 102 өлкө катышат
14-Июнь 2018, Бейшемби, 13:15

III Дүйнөлүк көчмөндөр оюндарына 102 өлкөгө чакыруу берилди, алардын арасынан 80 өлкө менен байланыш түзүлдү. Бул тууралуу Маданият, маалымат жана туризм министрлигинен кабарлашты.

“15-июлга чейин арыздарды кабыл алып, бул оюнга былтыркы жылдан дагы көбүрөөк өлкө катышат. 2016-жылы 62 мамлекеттин спортчулары катышкан”,-деп билдиришти министрликтен.

Эскерте кетсек, азыркы убакта 10 мамлекеттен жооп келген.

Кээ бир өлкө башчылары аталган иш-чараны көрүүгө келишет. Көчмөндөр оюнуна Түркия, Татарстан, Монголия, Өзбекстан, Казакстандын президенттеринин келүүсү күтүлүүдө.

Көчмөндөр оюнунда 3 миңге жакын спортчу 37 спорттун түрү боюнча ат салышат.

Оюндун ачылыш аземи 2-сентябрда болот. 3-сентябрда Кырчын жайлоосу меймандарды тосуп баштайт.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!