​Үңкүрдөн сегизинчи футболчу куткарылды

​Үңкүрдөн сегизинчи футболчу куткарылды
10-Июль 2018, Шейшемби, 10:57

Таиланддагы үңкүрдө эки жумадан бери камалып турган балдардын сегизи куткарылды. Жекшемби күнү суучулдар менен алты саат жогору чыгышкан балдар учурда ооруканада дарыгерлердин көзөмөлүнөн өтүүшүүдө. Ал эми үңкүрдө дагы төрт бала калды.

Куткаруу операциясына 13 чет элдик, беш жергиликтүү суучул жана беш “деңиз мышыгы” катышып жатат. Балдарды куткарууга тынымсыз жааган нөшөр жана суунун толуп калышы тоскоолдук жаратууда. Куткаруу иштери дагы 3-4 күн созулаары белгиленди.

Эсиңиздерге сала кетсек өспүрүмдөрдүн футбол командасы 11ден 16 жашка чейинки 12 жаш футболчулар жана машыктыруучусу менен 23-июнда үңкүргө кирген бойдон дайынсыз жоголушкан. Кийин үңкүрдүн кире беришинде балдардын велосипеддери, спорттук кийимдери табылган. Ошондон бери издөө иштери уланып келет. Бирок, үңкүргө нөшөрлөгөн жаандын суу толуп калганы оорчулук жаратууда. Куткаруучулар болжолу менен 300-400 метрди ашып калышты. Бул үңкүргө 800 метрге гана чейин кирүүгө уруксат берилет.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!