​Нурмагомедов Макгрегорду аракеч деп атады

​Нурмагомедов Макгрегорду аракеч деп атады
3-Окт. 2018, Шаршемби, 11:43

UFCнын жеңил салмактагы орусиялык чемпиону Хабиб Нурмагомедов мурдагы ирландиялык чемпион Конор Макгрегордун басма сөз жыйынындагы жүрүш – турушуна пикирин билдирди. Бул тууралуу ESPN басылмасы жар салды.

Хабиб Нурмагомедов “Ал басма сөз жыйынында мас болчу. Бул жиндилик! Ал мындай абалы менен мени менен кантип мушташканы жатат. 25 мүнөт чыдай албайт. Бул бокс эмес да. Мен каршысында болом”,- деди.

Мушкер “Мен эмоциямды башкара алам. Ал каалаганын айта берсин. Качан гана аракеч сүйлөп жатканда эч ким деле көңүл бурбайт. Ал мени жинденет деп ойлоду”,- деп кошумчалаган.

Ал эми UFCнын 229 мелдеши 6-октябрда Лас-Вегас шаарында болот. Анда эки мушкер UFCнын жеңил салмактагы чемпиондук үчүн ат салышмакчы.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!