“Хабиб – Конор”: Эр уруш эрте башталдыбы? (видео)​​

“Хабиб – Конор”: Эр уруш эрте башталдыбы? (видео)​​
6-Окт. 2018, Ишемби, 11:31

Жеңил салмактагы UFCнын орусиялык чемпиону Хабиб Нурмагомедов жана мурдагы ирландиялык чемпион Конор Макгрегор Лас-Вегас шаарында UFCнын 229 мелдеши алдында салмактарын тартуу аземинде мушташа кете жаздашты.

Алар бири-бирин тиктешип, муштум түйгөн кезде Конор Хабибти колго чаап, андан кийин тээп сала жаздады.

Нурмагомедов менен Макгрегордун эр урушу бүгүн түнү болот. Кечээ расмий түрдөгү салмактары тартуу аземи өткөрүлүп, экөө тең дээрлик жеңил салмактагы норманы көрсөтүштү: Нурмагомедов -70,3 кг , Макгрегор - 70,1 кг.


Орусиялык мушкер Хабиб Нурмагомедов UFCнын эң күчтүү балбандарынын бири. 70 кг чейинки жеңил салмакта мушташат. Ал мыкты сокку урат жана коргонуусу менен өзгөчөлөнөт. Орусиялык балбандын рекорду 26 мушташта баардыгын жеңүү менен жыйынтыкталган. Анын тогузу UFCнын алдында уюштурулган.

Ал эми техникасы жана натыйжалуулугу менен айырмаланат. Макгрегор эрежесиз урушта 24 беттештин 21ин жеңип, үчөөндө жеңилген. Ал UFC уюмунда оор жана жеңил салмактагы жалгыз мушкер болуп саналат.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!