Мэйуэзер Хабибдин чакыруусуна жооп кайтарды

Мэйуэзер Хабибдин чакыруусуна жооп кайтарды
16-Окт. 2018, Шейшемби, 12:33

Америкалык боксчу Флойд Мейвезер жеңил салмактагы UFCнын орусиялык чемпиону Хабиб Нурмагомедовдун мелдешке чакыргандыгына жооп берди.

Американын беш салмак боюнча 12 жолку чемпиону Флойд Мейвезер “CBS, Showtime жана MGM Grand — эсеп китепчеңерди даярдагыла! Мага Хабиб чакырык таштады” деп өзүнүн “Инстаграм” баракчасына жар салды.

14-октябрда Хабиб Нурмагомедов “Флойд кел! Мен сени менен рингге чыгууга даярмын. Сенин 50 жеңишиң алдында, мен 27 жеңишим менен чыгам. Эч качан жеңилбеген эки мушкер беттешели. Мушташта бир гана жеңүүчү болот”,- деп айткан.

Эсиңиздерге сала кетсек, 2015-жылы беш салмак категориясында дүйнө чемпиону рингден кеткендигин жарыя кылган. Бирок кайрадан соңку беттешүүсүн Конор Макгрегор менен 2017-жылы августь айында өткөргөн. Флойд Мейвезер менен эрежесиз уруш боюнча UFC уюмунун чемпиону Конор Макгрегордун беттеши «Кылымдын беттеши» болгон. АКШнын Лас-Вегас шаарында өткөн бул беттеште Мейвезер атаандашын 10-раундда техникалык нокаутка кетирип, жеңишке жетишкен.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!