​Тони Фергюсон Хабибди шылдыңдап, чакыруу жасады

​Тони Фергюсон Хабибди шылдыңдап, чакыруу жасады
30-Ноя. 2018, Жума, 11:24

Америкалык UFC мушкери Тони Фергюсон жеңил салмактагы UFCнын орусиялык чемпиону Хабиб Нурмагомедовду шылдаңдап, чакыруу жасады. Бул тууралуу америкалык мушкер өзүнүн Твиттер баракчасына жазган.

Тони жакында Москвадагы басма сөз жыйынында Хабиб Нурмагомедовдун "курумду Фергюсон менен коргогум келбейт" деп айтканына жооп кылгандай болду. Эки мушкердин мелдеши ушуга чейин 4 жолу болбой калган.

Тони Фергюсон “Мен жакшы болууга аракет кылдым бирок Хабиб Нурмагомедов акмак (катуу сөгүнгөн) экенсиң. Кел анда, муну текшерели! Сен жада калса кагаз баштыкты бокстай албайсың. Соккудан качуу үчүн сенин командаң бут менен гана тепкилеп киришет. Кел кайрадан чыгалы! Мен чемпионмун” деп айткан.

Эсиңиздерге сала кетсек, россиялык мушкер менен америкалык Тони Фергюсондун ортосунда 3 жолу беттешүү белгиленип, бирок кийинкиге жылдырылган. 2017-жылы 5-мартта белгиленген беттешүү Хабиб Нурмагомедов жарат алганына байланыштуу болбой калган. Экинчи жолу Тони Фергюсондун саламаттыгынан улам кийинкиге жылдырылган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!