​Туктамышева Неймардын жыгылганын мазактады

​Туктамышева Неймардын жыгылганын мазактады
30-Ноя. 2018, Жума, 12:58

Орусиялык көркөм муз тебүү боюнча атактуу жылдызы Елизавета Туктамышева француздардын "Пари Сен-Жермен" клубунун чабуулчусу Неймарды “артист” деп атады. Туктамышева «ПСЖ» менен “Ливерпуль” командаларынын ортосунда болгон беттешүүнү көрүп “Мен жалпы спорттук карьерамда Неймар 90 мүнөттө жыгылгандай жыгылган эмесмин” деп Твиттер баракчасына жазды.

Чемпиондор лигасынын тайпалык баскычтын 5-турунда «ПСЖ» командасы “Ливерпуль” менен беттешке чыгып, Неймар 37 мүнөттө гол киргизип, 2:1 эсеби менен жеңишке жетишишкен. Бирок Неймар көп жолу жыгылган болчу. Неймардын жыгыла бергени соцтармактарда катуу талкууга алынып жатат.

Эсиңиздерге сала кетсек, “Барселонанын” мурдагы чабуулчусу Неймар француздардын “Пари Сен-Жермен” клубуна 2017-жылы август айында өткөн. Анда оюнчу француз клубу менен 5 жылдык келишим түзгөн. Ал эми трансфер 222 миллион еврону түзүп, футбол тарыхында рекорд койгон.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!