Роналду “Алтын топ” сыйлыгынын тапшыруу аземине катышпайт

Роналду “Алтын топ” сыйлыгынын тапшыруу аземине катышпайт
3-Дек. 2018, Дүйшөмбү, 11:34

Бүгүн Эл аралык футбол федерациясынын (ФИФА) версиясы боюнча дүйнөнүн мыкты футболчусуна ыйгарылуучу “Алтын топ” сыйлыгынын ээси Париж шаарында аныкталат. Бул салтанатка португалиялык футболчу, "Ювентус" клубунун чабуулчусу Криштиану Роналдунун катышпай тургандыгын Испаниянын ЖМКлары жар салды. Маалыматка ылайык сурамжылоо боюнча Криштиану Роналду экинчи орунду алган.

Италиялык спорт баяндамачы Алессандро Альчато соцтармакка “Алтын топ” сыйлыгын хорватиялык футболчу Луке Модрич, экинчи орунда португалиялык футболчу, "Ювентус" клубунун чабуулчусу Криштиану Роналду, ал эми үчүнчү орунда "Атлетико" клубунун чабуулчусу Антуан Гризманн келаткандыгын жар салды.

Учурда добуш берүүнүн расмий жыйынтыгы айтыла элек

Эсиңиздерге сала кетсек, сурамжылоого Европадан 52 спорттук журналисттер жана жалпы дүйнөдөн 96 журналист эң мыкты оюнчусун тандоого катышууда.

Быйылкы жылкы талапкерлер төмөндөгүдөй:

1.Килиан Мбаппе (Франция/ПСЖ)

2.Лука Модрич (Хорватия/Реал)

3.Криштиану Роналду (Португалия/Реал - Ювентус)

4.Эден Азар (Бельгия/Челси)

5.Антуан Гризманн (Франция/Атлетико)

6.Лионель Месси (Аргентина/Барселона)

7.Кевин Де Брюйне (Бельгия/Манчестер Сити)

8.Мохамед Салах (Египет/Ливерпуль)

9.Рафаэль Варан (Франция/Реал)

10.Харри Кейн (Англия/Тоттенхэм)

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!