​Мбаппе эң мыкты жаш футболчу аталды

​Мбаппе эң мыкты жаш футболчу аталды
4-Дек. 2018, Шейшемби, 12:27

“ПСЖ” форварды жана Франция курама командасынын 19 жаштагы жылдызы Килиан Мбаппе «France Football» журналынын версиясы боюнча 2018-жылдын эң мыкты жаш футболчусу аталды. Сыйлык тапшыруу аземи кечээ Париж шаарында өттү. Анда Лука Модрич «Алтын топ» сыйлыгынын ээси болду. Экинчи орунду португалиялык футболчу, "Ювентус" клубунун форварды Криштиану Роналду, үчүнчү орунга Франция курама командасынын футболчусу жана “Атлетико” клубунун чабуулчусу Антуан Гризманн алды.

Эсиңиздерге сала кетсек, Мбаппе “ПСЖ” клубуна 180 миллион долларга өткөн. Ал 2017/2018 сезондо Париж клубуна ижарага андан кийин 2018-жылы туруктуу негизде командага өткөн. 19 жаштагы футболчу Франция курама командасы менен дүйнө чемпионатында болгон. Орусияда өткөн дүйнө футбол чемпионатында эң мыкты жаш оюнчу наамына татыган. Чемпионаттан алган акчаларынын 550 миң евросун кайрымдуулук иштерине жумшаган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!