​Роналдудан ДНК үлгүсү алынат

​Роналдудан  ДНК үлгүсү алынат
11-Янв. 2019, Жума, 14:27

АКШ полициясы португалиялык футболчу, “Ювентус” клубунун чабуулчусу Криштиану Роналдунун ДНК үлгүсүн алууга ордер берди. Бул тууралуу “Еurosport” басылмасы жар салды.

Маалыматка ылайык муну менен тергөөчүлөр америкалык студент Кэтрин Майорго Криштиану Роналдунун зомбулук көрсөткөнүн тастыктаганы жатышат. Америкалык студент кыз Роналду ага карата зомбулук кылганын айтып чыккан.

Атактуу футболчудан ДНК үлгүсүн алуу ордери Италияга жөнөтүлгөн.

Криштиану Роналдунун жактоочусу Питер Кристиансен: “Мында таң кала турган эч нерсе жок, бул адаттагы эле тергөө иштеринин бир талабы” деп билдирди.

Кристиансен “Роналду 2009-жылкы окуя эки жактын көңүлү менен болгондугун айтып келет. Демек, ДНКдан эч кандай өзгөрүү деле болбойт” деп кошумчалады.

Эсиңиздерге сала кетсек, америкалык студент кыз Катрин Майорга Криштиану Роналду ага карата зомбулук көрсөткөнүн айтып чыккан. Катрин окуя 2009-жылы Лас-Вегас шаарында болгондугун жана Роналду кызга ооз басырык үчүн 375 миң доллар төлөгөнүн “Spiegel” журналына кабарлаган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР