​Азия Кубогу: Кыргызстан Түштүк Кореядан жеңилди

​Азия Кубогу: Кыргызстан Түштүк Кореядан жеңилди
12-Янв. 2019, Ишемби, 10:03

Бириккен Араб Эмирликтеринде өтүп жаткан Азия кубогунун экинчи айлампасы алкагында Кыргызстан курама командасы Түштүк Кореядан 0:1 эсеби менен утулуп калды.

Оюндун 41-мүнөтүндө кореялыктар эсепти 1:0гө айлантты. 1-таймда оюн Түштүк Кореянын көзөмөлүндө болгону менен Кыргызстандын курамасы кооптуу чабуулдарды жасады.

Эми «С» тайпасындагы Кытай менен Түштүк Корея Азия кубогунун плей-офф баскычына ишенимдүү чыгышат. Алардын куржунунда 6дан упайлары бар. Ал эми Кыргызстан менен Филиппин курамаларында азырынча упай жок. Кыргызстан курама командасынын кезектеги оюну 16-январда Филиппин менен болот.

Кыргызстан чемпионаттын биринчи турунда Кытай командасы менен беттешип, 2:1 эсебинде утулуп калган.

Эсиңиздерге сала кетсек, Азия кубогу Бириккен Араб Эмирликтеринде 2019-жылы 5-январдан тартып 1-февраль аралыгына чейин өтөт. Азия кубогунун 24 командасынын оюндары 8 стадиондо болот. Финалдык оюн "Zayed Sports City" стадионунда 1-февралда өтөт.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!