​Владимир Кличко бокска кайтышы мүмкүн

​Владимир Кличко бокска кайтышы мүмкүн
12-Янв. 2019, Ишемби, 12:00

Дүйнөнүн оор салмактагы мурдагы чемпиону, украиналык мушкер Владимир Кличко кайрадан рингге кайтышы мүмкүн. Бул тууралуу британ журналисти Стив Банс кабарлагандыгын орустун ЖМК жазып чыкты.

Маалыматка ылайык украиналык мушкер британдык промоушен менен сүйлөшүүлөрдү жүргүзүүдө жана оор салмактагы англиялык бокчу менен рингге чыгат.

Атактуу спорт журналисти Стив Банс “Кличко кичүүсү рингге кайтып келүүдө. Ал оор салмактагы британ боксчу менен рингге чыгат” деп айтканын ТАСС агенттиги жазып чыкты. Бирок, Владимир Кличко менен мелдешке чыкчу мушкердин аты атала элек. Эң башкысы Кличко мурда жеңилген Тайсон Фьюри же Энтони Джошуа болбогондугу белгиленди.

Владимир Кличко оор салмактагы дүйнө чемпиону, ал 2017-жылы августь айында профессионалдык бокста Тайсон Фьюри жана Энтони Джошуа менен мелдешке чыгып, жеңилип калган.

WBO, IBO, IBF жана WBA версиялары боюнча дүйнөнүн чемпиону болгон Кличко 21 жылдык карьерасында 69 мелдешке катышкан. 64 жолу жеңишке жетишип, анын элүү үчүндө атаандашын нокаутка учураткан. Ал эми 1996-жылы өткөн Олимпиадада алтын медалга татыган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!