zaman_logo

​Азия Кубогунун эң мыкты футболчусу: 7 беттешүүдө 9 гол киргизди

​Азия Кубогунун эң мыкты футболчусу: 7 беттешүүдө 9 гол киргизди
2-Фев. 2019, Ишемби, 13:28
Whatsapp
A
A

Бириккен Араб Эмирликтеринде өтүп жаткан Азия кубогунун эң көп гол тепкен футболчусу Катар курама командасынын чабуулчусу Альмоэз Али аталды. 22 жаштагы футболчу Азия оюндарында жалпысынан 7 беттешүүгө катышып, 9 гол киргизип рекорд койду.

Катар курама командасы финалда Жапонияны 3:1 эсебинде жеңип алды. Оюндун 12 мүнөтүндө Альмоэз Али эсепти ачып берген.

Ал бул ийгилиги менен 23 жыл мурдагы рекордду кайталады. Анда 1996-жылы Ирандын мурдагы чабуулчусу Али Даеи 8 гол киргизип, мыкты футболчу аталган.

Ал эми Азия Кубогунун эң мыкты дарбазачысы Катар курама командасынын голкипери Саад Аль-Шеб («Аль-Садд») аталды. Ал болгону бир гана гол киргизип алган.

Бул ийгиликтери үчүн Альмоэз Али 30 000 доллар, Саад Аль-Шеб –10 000 доллар сыйлык алышат.
Тегдер:
Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
Категориялар