​Испания кубогу: Бүгүн “Барселона” менен “Реал” беттешет

​Испания кубогу: Бүгүн “Барселона” менен “Реал” беттешет
6-Фев. 2019, Шаршемби, 10:51

Испания Кубогунун жарым финалы алкагында бүгүн “Барселона” менен “Реал” беттешет. Мелдеш “Камп Но́у” стадионунда Бишкек убактысы боюнча түнкү 02:00дө башталат.

Учурда “Барселона” чабуулчусу Лионель Мессинин бүгүнкү оюнга катыша тургандыгы айтылды. Атактуу футболчу Испания чемпионатында “Валенсия” (2:2) командасы менен болгон беттешүүдө жаракат алган.

“Барселона” клубунун башкы машыктыруучусу Эрнесто Вальверде оюн алдындагы басма сөз жыйынында “ Биз стилибизден тайбайбыз. Барселона жеңишке жетиши керек. Учурда бизди эки беттешүү күтүп турат. Испания кубогун жеңүүгө мүмкүнчүлүктөрүбүз абдан көп”,- деди.

Ал эми Испания Кубогунун жооптук беттешүүлөр 27-февралда өткөрүлөт.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!