​Инфантино ФИФА президенттигине жалгыз талапкер болууда

​Инфантино ФИФА президенттигине жалгыз талапкер болууда
7-Фев. 2019, Бейшемби, 10:29

Эл аралык футбол федерациянын президенти (ФИФА) Джанни Инфантино кайрадан спорттук уюмдун президенттигине талапкерлигин койду. Бул тууралуу ФИФАнын расмий баракчасында жазылууда. Маалыматка ылайык Джанни Инфантино ФИФА президенттигине жалгыз талапкер болуп катталды.

Эл аралык футбол федерациянын президенттин шайлоо 2019-жылы 5-июнда Париж шаарында уюмдун кезектеги конгрессинде өткөрүлөт. Муну менен Инфантино 2023-жылга чейин спорттук уюмду жетектеши мүмкүн.

Мындан мурда Инфантино 211 улуттук футбол федерациясынын 196нан колдоо алгандыгы айтылган. Ал эми Джанни Инфантиного атаандаш болуучу “Тоттенхэм” футбол клубунун мурдагы футболчусу, швейцариялык Рамон Вега талапкер катары колдоо ала албагындыгынын катталуудан баш тарткан.

Эсиңиздерге сала кетсек, Джанни Инфантино Эл аралык футбол федерациясын (ФИФА) 2016-жылдын февраль айынан бери жетектеп келатат. Талапкерлерди каттоо 5-февралда аяктады. Ал эми 5-майда ФИФА арыздардын соң кез текшерип, талапкерлердин атын расмий түрдө ачыктайт. Президентти шайлоо 5-июнда өткөрүлөт.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!