​Роналдиньонун 14 жаштагы уулу келишим түздү

​Роналдиньонун 14 жаштагы уулу келишим түздү
12-Апр. 2019, Жума, 11:24

Соңку 10 жылдагы эң мыкты футболчу, Бразилия курама командасынын чемпиону Роналдиньонун 14 жаштагы уулу Жуан Мендес менен "Крузейро" футбол клубу узак мөөнөттөгү келишим түздү. Бул тууралуу "Спорт-Экспресс" жазып чыкты.

Маалыматка ылайык 14 жаштагы форвард Жоао Мендес 20 жашына чейин Бразилиянын "Крузейро"футбол клубунда ойнойт. Футболчу U-14 командасында мыкты көрсөткүчтөргө жетишип, максаттуу келишим түзүүгө жетишти.

"Крузейро"клубунун жаштар командасынын директору Амарилду Рибейру “ Бул оюнчу өжөр мүнөзү менен жакынкы убакта профессионал футболчулардын катарына кошулат” деп белгиледи.

Эң кызыгы жаш футболчу башында легендарлуу футболчунун баласы экендигин билгизбей, ойноп жүргөн.

Эсиңиздерге сала кетсек, 37 жаштагы атактуу футболчу Роналдиньо 2018-жылы спорттук карьерасын аяктаган. Ал карьерасын 1995-жылы "Гремио" футболдук клубунда ойноодон баштаган. 2003-жылы Роналдиньону "Барселона" футболдук клубуна өтүп, 2004-жылдын 20-декабрында ага ФИФАнын чечими боюнча "Жылдын эң мыкты футболчусу" деген наам берилген. Ал "Барселона" футболдук клубу үчүн жалпы 6 сезон ойногон. 2005-жылы “Алтын-топ” сыйлыгына татыктуу болду.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!