​Лионель Мессинин эгизи табылды (видео)

​Лионель Мессинин эгизи табылды (видео)
12-Апр. 2019, Жума, 11:46

Аргентиналык футболчу, “Барселона” клубунун чабуулчусу Лионель Мессинин окшошу, бул жолу Азербайжандан чыкты. Бул тууралуу Xəzər TV атайын репортаж даярдаган. Маалыматка ылайык футбол жылдызынын окшошу Роял Агамалыев Мессиге окшоштугу менен атактуу болгон. Көпчүлүк аны чын кабыл алышып сүрөткө түшүп, кол тамга алышууда.

Анын чач жасалгасы, сакалы, келбети жада калса бою дагы “Барселона” клубунун чабуулчусу Лионель Мессиге эгизиндей окшошуп турат. Роял тажрыйбалуу футболчу эмес, бирок спорттун ушул түрү менен машыгат. Ал топту чеберчилик менен колдонуп, дайыма достору менен футбол ойноп турат.

Азербайжандык Месси аргентиналык эгизи менен жолугууну кыялданып келет. Роял социалдык тармак боюнча байланышууга аракет жасаган бирок учурда жооп ала элек.

Видеону бул жерден көрүүгө болот:https://www.youtube.com/watch?time_continue=1&v=iadG2_TryDY

Учурда Роял футболчу болууга кеч калса да уулун футбол менен машыктырууда.

Эсиңиздерге сала кетсек, Лионель Месси "Барселона" клубуна 2003-жылы келген. Андан бери Испаниянын 9 жолку чемпиону, Чемпиондук лигасынын 4 жолку жеңүүчүсү жана футбол тарыхында 5 жолу "алтын топтун" ээси болгон.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!