​Лионель Месси үчүнчү мейманканасын сатып алды

​Лионель Месси үчүнчү мейманканасын сатып алды
13-Апр. 2019, Ишемби, 11:31

Аргентиналык футболчу, "Барселона" клубунун чабуулчусу Лионель Месси Майоркадан төрт жылдыздуу мейманкана сатып алды. Бул тууралуу «Спорт-Экспресс» кабарлады.

Мейманкана атактуу Балеарск аралдарынын жээгинде, Жер ортолук деңиздин чыгышындагы курортук аймакта жайгашкан. Мейманкана чоңдор үчүн гана ылайыкташкан. Учурда мейманканада оңдоп-түзөө иштери жүрүп жатат. Анын ачылышы 2-майда болот.Бирок, 100 орундуу мейманкана бөлмөлөрүнө азыртан эле буйрутмалар алынууда. Мейманканада бассейн, спа жана деңизге чыкчу майда кумдуу эки жээги бар.

Ушуну менен 31 жаштагы атактуу футболчунун Испанияда үчүнчү мейманканасы ачылды: Ситжес шаарында, Ибица жана Майорка аралдарында жайгашкан.

Эсиңиздерге сала кетсек, Европа чемпионатынын эң мыкты футболчуларына бериле турган "Алтын бутса" жана “Алтын топ” сыйлыгынын 5 жолку ээси Лионель Месси 2016-17-жылдар ичинде 37 гол киргизип, алдыга чыккан. Эки жыл бою удаасы менен "Барселона" чабуулчусу эң алдыңкы жыйынтыктарга жетишип келет.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!