​Криштиану Роналду жарым финалга чыкпай калды

​Криштиану Роналду жарым финалга чыкпай калды
17-Апр. 2019, Шаршемби, 11:50

Португалиялык футболчу, “Ювентус” клубунун чабуулчусу Криштиану Роналду соңку 10 жылдын ичинде алгачкы ирет Чемпиондор лигасынын жарым финалына чыга албай калды. Чемпиондор лигасынын чейрек финал беттешүүлөрүндө туриндик “Ювентус” командасы “Аякс” футбол клубуна 1:2 эсебинде жеңилген. Эки оюндун жыйынтыгында “Ювентус” голландиялык “Аякс” командасына " (1:1; 1;2) жеңилип, оюндан чыгып калышты.

Муну менен Криштиану Роналду соңку 10 жылдын ичинде алгачкы ирет Чемпиондор лигасынын жарым финалына чыга албай калды.

Криштиану Роналду “Реал” курамында Чемпиондор лигасында 4 жолу жеңишке жетишкен. ( 2014, 2016, 2017 жана 2018-жылдары).

Мындан тышкары кечээ Чемпиондор лигасынын чейрек финалында “Барселона” командасы "Манчестер Юнайтед" клубун (1:0; 3:0) жеңип, жарым финалга өттү.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!