​Зидан “Реалдан” 5 футболчуну кетирет

​Зидан “Реалдан” 5 футболчуну кетирет
17-Апр. 2019, Шаршемби, 12:31

“Реал Мадрид” башкы машыктыруучусу Зинедин Зидан кийинки сезондо беш футболчудан кутулууну чечти. Бул тууралуу “AS”басылмасы жар салды. Маалыматка ылайык француз адисинин кара тизмесине жарым коргоочулар Даниэль Себальос, Маркос Льоренте жана Браим Диас, мындан тышкары чабуулчулар Мариано Диас менен Гарет Бэйл киргендиги айтылууда.

Ал эми коргоочу Марсело жана жарым коргоочу Тони Крооса менен Исконун тагдыры жайкы трансфер терезесинде чечилет.

Быйылкы сезондо “Реал” командасы Чемпиондор лигасы жана Испания кубогунан чыгып калган.

Эсиңиздерге сала кетсек, Зинедин Зидандын жетекчилиги астында “Реал” команда үч жолу Чемпиондор лигасынын, эки жолу УЕФАнын Суперкубогун, бир канча жолу Испаниянын Суперкубогун жеңип алган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!