​«Реал» футболчуларга жарым миллиард евро жумшайт

​«Реал» футболчуларга жарым миллиард евро жумшайт
19-Апр. 2019, Жума, 10:29

Мадриддик “Реал” клубунун жетекчилиги жайкы трасфер терезеси үчүн 500 миллион евро жумшайт. Бул тууралуу “Реал”клубунун мурдагы башкы машыктыруучу Фабио Капелло айткандыгын football24.ru сайтты жазууда. Маалыматка ылайык “Реал” клубу бул сезондун жайкы трансфер терезесинде курамын баштан, аяк жаңыртуунун көздөп жатат.

Испания ЖМКнын маалыматтарына караганда 2019-жылдын жайында “Реал” клубу немистердин «Айнтрахта» клубунун чабуулчусу Лука Йовичти 70 миллион еврого сатып алат. Мындан тышкары жарым коргоочулар Пол Погба («Манчестер Юнайтед») жана Эден Азар («Челси»),Килиан Мбаппе (ПСЖ) менен сүйлөшүүлөр жүрүп жаткандыгын жар салышты.

“Реал” клубунун курамын жаңыртуу жана күчтөндүрүү башкы машыктыруучу Зинедин Зидандын башкы талаптарынын бири болчу. Француз адиси “Реалга” март айынын ортосунда келген.

Быйылкы сезондо “Реал” командасы Чемпиондор лигасы жана Испания кубогунан чыгып калган.

Эсиңиздерге сала кетсек, Зинедин Зидандын жетекчилиги астында “Реал” команда үч жолу Чемпиондор лигасынын, эки жолу УЕФАнын Суперкубогун, бир канча жолу Испаниянын Суперкубогун жеңип алган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!