Хабиб ​Нурмагомедов 29-жолу допинг текшерүүдөн өттү

Хабиб ​Нурмагомедов 29-жолу допинг текшерүүдөн өттү
19-Апр. 2019, Жума, 15:39

Жеңил салмактагы UFCнын орусиялык чемпиону Хабиб Нурмагомедов АКШнын допингге каршы агентчилигинин (USADA) допинг тесттинен өттү. Бул тууралуу атактуу мушкер инстаграм баракчасына бөлүштү. Анын айтымына караганда бул спорттук карьерасындагы 29-текшерүү болуп саналат.

Нурмагомедов АКШнын допингге каршы агентчилигинин өкүлдөрү (USADA) таң атпай келгендигин билдирди.

Хабиб “USADA мага таңкы саат 7де 29 жолу келишти. Таза спортту колдогонуңар үчүн чоң ырахмат!” деп жазып, билдирме кагазын кошо жарыялады.

Эсиңиздерге сала кетсек, орусиялык мушкер Хабиб Нурмагомедов UFCнын эң күчтүү балбандарынын бири. 70 кг чейинки жеңил салмакта күрөшөт. Орусиялык балбандын рекорду 27 мушташта баардыгын жеңүү менен жыйынтыкталган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!