​Хабибке дагы бир мушкер чакырык таштады

​Хабибке дагы бир мушкер чакырык таштады
24-Апр. 2019, Шаршемби, 13:50

Жеңил салмактагы UFCнын орусиялык чемпиону Хабиб Нурмагомедов менен таймашууну каалаган Эрежесиз эр уруштун (ММА) америкалык мушкери Джастин Гэтжи Хабабди токтотом деп чыкты.Бул тууралуу “Советский спорт” басылмасы жар салды. Маалыматка ылайык америкалык мушкер Хабабике чакырык таштап, күчүн сынап көрүүнү чечти.

Джастин Гэтжи “Менин чыдамкайлуулугум Хабиб менен тең эле. Чарчабай,чалыкпай аны нокаут кулатууга аракеттенем. Менин мыкты соккуларым бар. Ошондуктан, мен олуттуу чакырык таштадым. Бул мүмкүнчүлүктү чыдамсыздык менен күтөм” деп айтты.

31-мартта Гэтжи UFCнын Филадельфия мелдештеринде каршылашы Барбозду нокаут менен жеңип алган.

Эсиңиздерге сала кетсек, орусиялык мушкер Хабиб Нурмагомедов UFCнын эң күчтүү балбандарынын бири. 70 кг чейинки жеңил салмакта күрөшөт. Орусиялык балбандын рекорду 27 мушташта баардыгын жеңүү менен жыйынтыкталган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!