​“Ливерпуль” күйөрмандары Мессини четтетүүнү талап кылышууда

​“Ливерпуль” күйөрмандары Мессини четтетүүнү талап кылышууда
3-Май 2019, Жума, 14:23

Англиянын “Ливерпуль” футбол клубунун күйөрмандары Испаниянын “Барселона” клубунун чабуулчусу Лионель Мессини оюндан четтетүүнү талап кылышып, кол топтошууда. Алар аргентиналык футболчунун Чемпиондор лигасынын жарым финалындагы кыймыл-аракеттерине нааразы болушуп, УЕФАга кайрылышты.Чемпионат.com сайттынын маалыматына караганда “Барселона” лидери атаандашы Фабиньону башка коюп кеткен.

“Ливерпуль” күйөрмандары Change.org сайттында кол топтоо уюштуруп, 2600 ашык адам кол койгон.

Эсиңиздерге сала кетсек, Чемпиондор лигасынын жарым финалында «Барселона» менен «Ливерпуль» командалары беттешип, 3:0 эсебинде каталондуктар жеңишке жетишкен. Месси бул оюнда эки гол киргизген эле.

Ал эми жооптук беттешүү 7-майда Ливерпулда болот.

Финал болсо, 2019-жылдын 1-июнуна белгиленди. Бул бүйүрдү кызыткан беттешүү Мадрид шаарынын "Ванда Метрополитано" стадионда өтөт.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!