​Месси Каталониянын жогорку мамлекеттик сыйлыгына көрсөтүлдү

​Месси Каталониянын жогорку мамлекеттик сыйлыгына көрсөтүлдү
4-Май 2019, Ишемби, 09:49

Аргентиналык футболчу, "Барселона" клубунун чабуулчусу Лионель Месси Каталониянын эң жогорку мамлекеттик “Санд-Жорд Крестти” сыйлыгына көрсөтүлдү. Бул тууралуу “Барселона” клубунун расмий сайтында жарыяланды. Маалыматка ылайык “ Санд-Жорд Крест” сыйлыгы каталон тили жана маданиятынын өнүгүүсүнө зор салым кошкон атуулдарга берилет.

Месси, бул сыйлыкты " Баардык убактагы мыкты спортчусу” деп табылгандыгы үчүн көрсөтүлүп жатат.

Мындан тышкары, кайрымдуулук жаатындагы жетишкендиктери дагы белгиленген. Мессинин Фонду “Барселона” шаарындагы Сант-Жоан-де-Деу ооруканасына жана онкологиялык борбордун курулушуна каржы жардамын көргөзгөн.

Атактуу футболчунун эсебинде Испаниянын 9 чемпиондук наамы, 6 жолу Испания Кубогу, 8 ирет Испания Суперкубогу, 4 жолу Чемпиондор лигасы, 3 жолу УЕФА Супер кубогу жана 3 жолу клубдук дүйнө чемпионатына татыктуу болгон.

Эсиңиздерге сала кетсек, Европа чемпионатынын эң мыкты футболчуларына бериле турган "Алтын бутса" жана “Алтын топ” сыйлыгынын 5 жолку ээси Лионель Месси 2016-17-жылдар ичинде 37 гол киргизип, алдыга чыккан. Эки жыл удаасы менен "Барселона" чабуулчусу эң алдыңкы жыйынтыктарга жетишип келет.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!