​Нурмагомедов алдыда үч мелдеш өткөрөт

​Нурмагомедов алдыда үч мелдеш өткөрөт
7-Май 2019, Шейшемби, 11:55

Жеңил салмактагы UFCнын орусиялык чемпиону Хабиб Нурмагомедов 2020-жылдын апрель айына чейин үч мелдеш өткөрүшү мүмкүн. Бул тууралуу мушкердин агенти Али Абдель-Азиз "ESPN" спорттук каналына билдирди. Маалыматка ылайык Хабиб Нурмагомедов агентине сентябрь,декабрь жана апрель айларында мелдешке чыгууга даяр экендигин билдирген.

Али Абдель-Азиз “Ал мага өзгөчө тапшырма берди. Хабиб 7-сентябрда мелдешке чыгат. Андан кийин декабрда, эгерде Жордж Сент-Пьердин UFC менен иштери ойдогудай кетсе,апрель айында дагы бир таймаш өткөрөт. Ал апрель айында октагонго чыгышы мүмкүн” деп билдирди.

Эсиңиздерге сала кетсек, 7-сентябрда Абу-Даби шаарында UFC 242 турниринде Хабиб Нурмагомедов менен америкалык мушкер Дастин Порье беттешет.

Жеңил салмактагы UFCнын орусиялык чемпион Хабиб Нурмагомедовдун эсеп куржунунда 27 мелдешке чыгып, бир да жолу жеңилген эмес. Ал эми америкалык мушкер Дастин Порье 31 таймашка чыгып, 25 жолу утушка ээ болгон. Анын 13дө нокаут жеңген.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!