​Сүйүнчү! Каныбек Жолчубеков Киевден алтын медаль утуп келди

​Сүйүнчү! Каныбек Жолчубеков Киевден алтын медаль утуп келди
13-Май 2019, Дүйшөмбү, 09:08

Кыргызстандык балбан Каныбек Жолчубеков Украинада өткөн грек-рим күрөшү боюнча эл аралык мелдеште алтын медаль утуп алды. Бул тууралуу балбан Instagram баракчаcына бөлүштү. Каныбек Жолчубеков 10-12-майда өткөн украинанын алдыңкы балбандары жана машыктыруучуларына арналган турнирде 60 килограмм салмакта күч сынашты.

Бул салмактагы таймашта 4 өлкөдөн 13 балбан арасынан Каныбек суурулуп чыкты. Ал квалификациялык, чейрек жана жарым финалда атаандаштыры Игорь Курочкин (Украина), Дато Чхартишвили (Грузия), Мурад Базаров (Азербайжан) жеңип чыкты.

Ал эми финалда азербайжандык балбан Сакит Гулиевди 7:0 эсеби менен көтөрүп чаап, чемпион болду.

Эсиңиздерге сала кетсек, Каныбек Жолчубеков студенттер арасында дүйнөнүн эки жолку чемпиону, чоңдор арасында Азия жана Ислам тилектештиги оюндарынын чемпиону, Азия оюндарынынкүмүш медалынын ээси болуп саналат.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!