​Путин хоккейди мыкты ойноп, кызыл килемде жыгылды (видео)

​Путин хоккейди мыкты ойноп, кызыл килемде жыгылды (видео)
13-Май 2019, Дүйшөмбү, 11:46

Орусия президенти Владимир Путин Сочи шаарында Түнкү хоккей лигасында чабуулчу катарында 11 номери менен чыгып, жыгылып түштү. Бул тууралуу Sports.ru жазууда. Маалыматка ылайык Владимир Путин хоккейде жеке рекорд көргөзүп, 10 шайба киргизген.

Оюндан кийин күйөрмандарга алкыштап бараткан Путин кызыл килемди байкабай чалынып түшкөн. Ага ордунан тургузууга команда мүчөлөрү жардамдашты.

Беттешүү 14:7 эсебинде “Хоккей легендалары” командасынын жениши менен аяктады.

Бул тууралуу видео: https://www.youtube.com/watch?v=wuNgR9Is9ek

Эсиңиздерге сала кетсек, Түнкү хоккей лигасы 2011-жылы Орусия президенттинин демилгеси менен ардагер хоккейчилерди колдоо максатында түзүлгөн. Анын негизги максаты улгайган адамдарды спортко чакыруу жана кызыктыруу. Мындан тышкары Орусиянын бардык жеринде хоккей сүйүүчүлөрүнүн коомчулугун түзүү болуп саналат.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!