​Майк Тайсон Ломаченкону балет бийчисине салыштырды

​Майк Тайсон Ломаченкону балет бийчисине салыштырды
14-Май 2019, Шейшемби, 12:22

Мурдагы дүйнөнүн оор салмак боюнча абсолюттук чемпиону Майк Тайсон жеңил салмактагы WBA жана WBO курларынын ээси Василий Ломаченкону балет бийчисине салыштырды. Легендарлуу боксчунун сөздөрүн boxingnews24.com сайты жазып чыкты. Маалыматка ылайык 52 жаштагы Тайсон украиналык боксчуну балет бийчисине салыштырып, америкалык жеңилбес мушкер менен болуучу таймашты көргүсү келгендигин билдирген.

Майк Тайсон “Ломаченко – балет бийчиси, мен бул таймашты чыдамсыздык менен күтүп жатам. Бизде Балтимордон жаш спортчубуз Жервонта Дэвис бар. Учурда “Танк” мушкер Ломаченко менен таймашууга даяр эмес, эки жыл ичинде бул жигиттерди рингден көрүп калабыз” деди

Василий Ломаченконун кийинки беттеши Люк Кэмпбелла менен болуусу күтүлүүдө.

Эсиңиздерге сала кетсек өзүнүн темирдей соккулары менен атагы чыккан мушкер Майк Тайсон 2005-жылы чоң спорт менен биротоло кош айтышканын билдирген. Майк өз өмүрүнүн 20 жылдан ашыгын бокско арнап, профессионалдык рингде эле айыгышкан 50 таймашты башынан өткөргөн. Анын 44 нокаут менен жеңишке жетишкен.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР