​“Хабиб - Порье” таймашы: Билеттер эки күндө сатылды

​“Хабиб - Порье” таймашы: Билеттер эки күндө сатылды
10-Июнь 2019, Дүйшөмбү, 12:54

Жеңил салмактагы UFCнын орусиялык чемпиону Хабиб Нурмагомедов америкалык мушкер Дастин Порье менен 7-сентябрдагы беттешинин билеттери эки күндө сатылды. Бул тууралуу уюштуруучу тобунун маалыматтарына таянып, ТАСС агенттиги жар салды.

Абу-Даби шаарында UFC 242 турнири алкагында өтө турган мелдештин билеттери 7-июнда саттыкка чыккан. Орусиялык мушкер бул ирет экинчи жолу чемпиондук наамын сактап калуу үчүн мушташат.

Ал эми 12-июнда Лондон шаарында UFC 242 турнири боюнча биринчи басма сөз жыйыны өтөт. Хабиб – Порье мелдешине 18 миң көрүүчүнүн келиши күтүлүүдө.

Эсиңиздерге сала кетсек, орусиялык чемпион Хабиб Нурмагомедовдун эсеп куржунунда 27 мелдешке чыгып, бир да жолу жеңилген эмес. Ал эми америкалык мушкер Дастин Порье 31 таймашка чыгып 25 жолу утушка ээ болгон. Анын 13дө нокаут жеңген.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!