​“Хабиб - Порье”: басма сөз жыйынын өткөрүштү (видео)

Жеңил салмактагы UFCнын орусиялык чемпиону Хабиб Нурмагомедов жана америкалык мушкер Дастин Порье Лондон шаарында басма сөз жыйынын өткөрүштү. Ал 7-сентябрда Абу-Даби шаарында өтө турган UFC 242 турнирине арналды. Мушкерлердин биринчи жолу жолугушуусу жабык эшик алдында журналисттердин гана катышуусу менен өттү. Адегенде журналисттердин алдына Дастин Порье чыкты андан кийин Хабиб келди. Жыйындагы урунттуу жерлерин иргеп сунабыз.

Хабиб Нурмагомедов :

• -Абу-Даби шаарындаөтө турган таймаш мыкты өтөт,рахаттануу менен күтүп жатам.
• -Эң башкысы атам келип менин таймашыма катыша алат. Атамдын визасы мурда жок болчу ошондуктан көптөгөн мелдештериме катыша алган жок. Эми ал жанымда болот.

Дастин Порье:

• -Мен өзүм менен өзүм болуп,дүйнөгө эмнеге шыктуу экендигимди далилдей алам”
• -"Хабиб мурдагыдай кубаттуу болсо дагы баары бир мен жеңем!"
• -“Хабибди 27 адам токтото алган жок. Бирок, мен анын алсыз жерлерин көрүп турам. Ошого даяр турам. Мен аны сөз менен эмес дүйнөгө далилдейм”

Алардан жекеме-жек тиктешүүсү тынч өттү. Хабибжана Порье кол кысышып, кийинки жолгушууга чейин коштошту.

7-сентябрда Абу-Даби шаарындаөтө турган Хабиб – Порье мелдешине 18 миң көрүүчүнүн келиши күтүлүүдө.

Эсиңиздерге сала кетсек, орусиялык чемпион Хабиб Нурмагомедовдун эсеп куржунунда 27 мелдешке чыгып, бир да жолу жеңилген эмес. Ал эми америкалык мушкер Дастин Порье 31 таймашка чыгып 25 жолу утушка ээ болгон. Анын 13дө нокаут жеңген.