​Майк Тайсон: “Аялымды Брэд Питт менен кармадым” (видео)

​Майк Тайсон: “Аялымды Брэд Питт менен кармадым” (видео)
14-Июнь 2019, Жума, 14:17

Мурдагы дүйнөнүн оор салмак боюнча абсолюттук чемпиону Майк Тайсон аялын атактуу актер Брэд Питт менен төшөктө кармагандыгын жар салды. Бул тууралуу Майк Тайсон “Талашсыз чындык” аттуу автобиографиялык китебинде жазгандыгын “Советский спорт” басылмасы билдирди.

54 жаштагы боксчу жубайы актриса Робин Гивенс жана “Оскар” сыйлыгынын ээси Брэд Питт менен 80-жылдардын акырында төшөктө кармагандыгын айтты. Анын айтымында Брэд Питт коркондугунан калтырап “Мени урба” - деп жалдыраган.

Ал эми актриса жана модель Робин Гивенс телешоуга чыгып, мурдагы күйөөсүнүн жалган айтып жаткандыгын билдирди. Бирок, Брэд Питт менен болгон ашыктык романдарын да танган жок.

Эсиңиздерге сала кетсек Майк Тайсон бардык салмак боюнча дүйнөнүн эң күчтүү мушкери болуп саналат. Америкалык профессионал-мушкер, профессионалдар арасында оор салмактык категорияда дүйнөнүн абсолюттук чемпиону. “Ринг” журналынын версиясы боюнча “Жылдын мушкери” наамына татыган. Ал профессионалдык рингде 60 беттеш өткөрүп, 50 ирет жеңишке жетишкен. 6 беттеште жеңилип калган. Анын катышуусундагы 2 беттеш жокко чыгарылган. “Темир Майк" спорт карьерасын 2005-жылы жыйынтыктаган.


Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!