​Марадона мексикалык клубдан кетти

​Марадона мексикалык клубдан кетти
14-Июнь 2019, Жума, 16:10

Легендарлуу аргентиналык футболчу Диего Марадона “Дорадос” футбол командасынын башкы машыктыруучу кызматтынан кетти. Бул тууралуу ESPN спорт каналы жазууда. Маалыматка ылайык 58 жаштагы машыктыруучуну саламаттыгына байланыштуу дарыгерлер эс алууга чыгуусун сунушташкан. Диего Марадона жакынкы арада тизесинен операция жасатуусу күтүлүүдө.

Марадона экинчи дивизиондогу мексикалык клубда 2018/19 сезондо кызмат көргөздү.Команда Апертура жана Клаусура финалына чыккан.

"Дорадос" футбол клубу өздөрүнүн твиттер баракчасына “Баардыгына ырахмат Босс! Жакшы болуп кеттиңиз, жакында кайрадан көрүшөбүз!” деп жазышты.

Эсиңиздерге сала кетсек, легендарлуу футболчу Диего Марадона Аргентина курама командасында ойноп, 1986-жылы дүйнө чемпионаты болгон. Атактуу футболчу "Барселона", "Наполи", "Севилья" клубдары атынан да ойноп келген. ФИФА тарабынан XX кылымдын эң мыкты футболчусу тандалган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!