​Неймардын кара күндөрү: мүлктөрү камакка алынды

​Неймардын кара күндөрү: мүлктөрү камакка алынды
18-Июнь 2019, Шейшемби, 14:04

Бразилиялык футболчу, француздардын “ПСЖ” футбол клубунун чабуулчусу Неймардын мал-мүлкү камакка алынды. Бул тууралуу Mirror басылмасы жасалды.Маалыматка ылайык Бразилия соту атактуу футболчунун 36 объектилерин камакка алган.

2013-жылы “Сентос” клубунан “Барселонага” өтүүдө салык төлөбөй, жашырып койгондугу айтылууда. Анын карызы учурда 69 миллион Бразилия реалы же 17,5 миллион евро болгон.

Соттун чечими менен Неймардын Сан-Пауло шаарындагы эки хан сарайы, “Cessna Citation – 680” учагына, “Eurocopter France 130 B4” тик учагына жана футболчунун үй-бүлөсүнө тийешелүү “Neymar Sport & Marketing” компаниясынын үлүштөрүн камакка алган.

Эсиңиздерге сала кетсек,“Барселонанын” мурдагы чабуулчусу Неймар француздардын “Пари Сен-Жермен” клубуна 2017-жылы август айында өткөн. Анда оюнчу француз клубу менен 5 жылдык келишим түзгөн. Ал эми трансфер 222 миллион еврону түзүп, футбол тарыхында рекорд койгон.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!