​УЕФАнын мурдагы президенти Мишель Платини кармалды

​УЕФАнын мурдагы президенти Мишель Платини кармалды
19-Июнь 2019, Шаршемби, 11:18

Европа футбол ассоциациясынын (УЕФА) мурдагы президенти Мишель Платини 2022-жылы боло турган футбол чемпионаттын тандоодогу коррупциялык иштерге байланыштуу кармалды.

«Le Monde» басылмасы ФИФАнын бул жанжалы француз саясаты жана спорт жааматына кошумча суроолорду туудургандыгын белгиледи.

2010-жылдын соңунда ФИФАнын аткаруу комитети өткөргөн добуш берүүнүн жыйынтыгында Австралия, АКШ жана АКШ артта калтырып Катар мамлекети чемпионатты өткөрүү укугун алган. Кийин бул жыйынтык катуу талкууга түшүп, Жакынкы Чыгыш өлкөлөрүнүн өкүлдөрү ФИФАнын аткаруу комитетин сатып алгандыгын айтып чыгышкан. Жада калса 880 миллион доллар суммасы да айтылган эле. Бир катар маалымат каражаттары чечим паракорчулуктун негизинде кабыл алынышы мүмкүн деп шек санашып, бул боюнча өз иликтөөлөрүн жарыялай башташкан.

Ушундай эле шек менен Франциянын мурдагы ички иштер министри Клод Геан да сурак берип чыкканы маалым болду. Ал эми Платини 2015-жылы кызматтынан алынган.

Эсиңиздерге сала кетсек, 2022-жылы дүйнө чемпионаттын Катарда өткөрүү 2010-жылы декабрь айында кабыл алынган болчу. Анда чемпионатты өткөрүүгө АКШ,Түштүк Корея, Австралия жана Жапония катышкан.Футбол чемпионат Жакынкы Чыгышта 21-ноябрдан 18-декабарга чейин өтөт.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!