​Криштиану Роналду Мессиден айырмасын айтты

​Криштиану Роналду Мессиден айырмасын айтты
14-Авг. 2019, Шаршемби, 14:36

Португалиялык футболчу, “Ювентус” клубунун чабуулчусу Криштиану Роналду канча жылдардан бери атаандашып келген аргентиналык футболчу, "Барселона" клубунун чабуулчусу Лионель Мессиден айырмасын айтып берди. Бул тууралуу Роналду DAZN басылмасына маек куруп жатып билдирген. 34 жаштагы атактуу футболчу Мессинин дүйнөлүк футболдогу орду чоң экендигин белгилеп, көптөгөн жылдар боюу чеберчилик көргөзүп келаткандыгын айтты.

Криштиану Роналду “Месси менен меним негизги айырмам: Мен Чемпиондор Лигасында ар кандай командалар менен ойноп, жеңишке жетиштим. Чемпиондор Лигасынын соңку 6 сезонунда мыкты чабуулчу болдум. Месси да мыкты оюнчу, беш жолу “Алтын топ” сыйлыгына татыктуу болду жана жыл сайын жаңы ийгиликтерди багынтууда. Мен ар бир таңда машыгуу күтүп жатканын жана жаңы бийиктиктерге жетүүгө шашылым. Акча табуу маселе деле эмес” деп айткан

Роналду Чемпиондор лигасында “Реалдын” курамы менен 4 жолу “Манчестер Юнайтед” командасы менен бир жолу жеңишке жетишкен.

Ал эми өмүр боюу “Барселона” командасында ойноп келаткан Месси Чемпиондор лигасында 4 жолу жеңишке жетишкен (2006, 2009, 2011, 2015).

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!