Американын Мушкерлердин абсолюттук чемпионат (UFC) спорттук уюмунун президенти Дэйна Уайт эгерде бүгүн боло турган таймашта ирландиялык мушкер Конор Макгрегор америкалык мушкер Дональд Серронени жеңсе, Хабиб менен реваншка чыгаарын жар салды. Чемпионат.Com басылмасынын маалыматына караганда “Хабиб-Конор” реваншы бүгүнкү боло турган таймаштардын натыйжасына байланыштуу болот.

UFC президенти Дэйна Уайт “Конор Макгрегор эгерде бүгүн америкалык мушкер Дональд Серронени жеңсе, титулдук таймашка жол ачылат. Анын Хабиб менен реваншка чыгууну каалаганы эч кимге деле сыр эмес” - деп айтты.

UFCнин мурдагы жеңил салмактагы чемпиону, ирландиялык мушкер Конор Макгрегор менен америкалык спортчу Дональд Серроне бүгүн Лас-Вегасе шаарында UFC 246 турнири алкагында таймашы өтөт.