Чачка арналган лимон менен сабиз маскалары

Чачка арналган лимон менен сабиз маскалары
5-Дек. 2018, Шаршемби, 10:45

Сабиз менен лимон ширеси чачка өтө пайдалуу. Мындай маскалар чачты түбүнөн азыктандырып, өсүүсүн тездетет.

Жумуртканын сарысы менен

Лимон менен сабиз ширесин бирдей өлчөмдө аралаштырып, жумуртканын сарысын кошобуз. Даяр болгон аралашманы чачтын түбүнө сүйкөп, башыңызды калың сүлгү менен ороп алыңыз. 1 сааттан кийин чачыңызды шампунь менен жууңуз. Масканы жумасына 1-2 жолу 3-4 ай жасап турган жакшы.

Зайтун майы менен

Сабиз менен лимон ширесине зайтун майынын 1 аш кашыгын кошуп аралаштырасыз. Аралашманы баш териге массаж жасап, сүйкөңүз. 15-20 мүнөттөн кийин жууп таштаңыз.

Сабиз менен лимон

2 аш кашык сабиз ширеси менен 1 аш кашык лимон ширесин кошуп, аралаштырыңыз. Даяр болгон кошулманы чачтын түбүнө сүйкөңүз. Башты жылуу ороп, 1-2 сааттан кийин шампунь менен жууңуз. Ал эми таза суу менен чайкаганда сууга лмион ширесин же уксус кошуп (1 литр сууга 1 аш кашык) алыңыз.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!