Эринди томпок көрсөтүүнүн 5 ыкмасы

Эринди томпок көрсөтүүнүн 5 ыкмасы
18-Янв. 2019, Жума, 10:41

Томпок эриндер аялдын образына сулуулук тартуулайт. Акыркы жылдары кыз-келиндер арасында эринди чоңойтуу модага айланууда. Косметикалык процедуралар менен зыяндуу операциядан көрө үй шартында калаган натыйжаңызга жетүүгө болот. Кандайча?

1. Жумшак тиш щеткасын алыңыз

Эриниңизге бальзам сүйкөп, жумшак щетка менен укалоо керек. Анын таасиринен териңиздеги кан айлануу жакшырып, эриниңиздеги өзгөрүүнү көрө аласыз. Эриниңизге ар дайым массаж жасап турсаңыз, жакшы таасир берет. Ошондой эле, бал менен кантка суу аралаштырып, анын жардамы менен эриндеги өлгөн клеткаларды жоё аласыз.

2. Эрин түсү аркылуу чоңойтуу

Ак консилер, макияжга арналган базаны алып, эриниңизге сүйкөп, кичине упа колдонуңуз. Анын четтерин жана ортосун кызыл, кызгылт карандаш менен сызып коюңуз.

Экинчи ыкма: ички бөлүгүн боёбой, ачык кылып калтырыңыз, эриндин тегерегин жана ачык кылып калтырган жерлерин боёп чоңойтуп көрсөтүүгө болот.

3. Күрөң карандаш ыкмасы

Эриндин тегерегин 2-3 мм жогорурак сызыңыз. Эгер ортосуна жылтырак боёк сүйкөсөңүз, эриниңиз томпок көрүнүп турат.

4. Ак түс бериңиз

Хайлайтердин же ак помаданын жардамы менен эриндин жогорку бөлүгүн жана астыңкы бөлүгүн боёп, томпок кылып көрсөтүүңүзгө болот.

5.Табигый кошулмалар

Эринди чоңойтуу үчүн табигый кошулмалардан косметикалык каражат жасаңыз.

Калемпир майы эринге томпоктук берет. Бирок, майды помада менен же бальзам менен аралаштырыңыз, ал эми майды көп кошууга болбойт.

Ошондой эле, корица менен вазелин сүйкөп, 5 мүнөттөн кийин кагаз менен сүртүп салуу керек.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!