Бал массажынын денеге пайдасы

Бал массажынын денеге пайдасы
14-Фев. 2019, Бейшемби, 16:01

Денеге бал менен массаж жасоо илгерки Тибет элинен келгендиги айтылат. Бирок, балды орус калкы көп колдонгондуктан, ал жерде байыр алгандыгы айтылат. Буга чейин бал менен массаж жасап жүргөн болсоңуз керек, бирок анын пайдалуу касиетин билбешиңиз мүмкүн.

Алдын ала айта кетчү нерсе бал менен массаж жасоо бардык эле адамдарга туура келе бербейт. Мисалга, гипертония жана температура жогору болуп турган учурда бал менен массаж жасоого болбойт.

Бал табигый керектелүүчү зат. Анда организмге керектүү бардык элементтерди кездештирүүгө болот. Балдын курамындагы заттар, аны денеге сүйкөгөн кезде, денедеги зыяндуу шлактардан арылтып, денени жаңы баланыкындай жылмакай кылып коёт. Ошон үчүн адистер бал массажын колдонуп, ашыкча салмактан арылуу боло тургандыгын айтып келет. Тагыраак айтканда, ашыкча салмактан арылуу үчүн денеге бир канча ирет бал массажын кайталап жасоо керек.

Бал менен жасалган массаж бир гана сулуулукка эмес, ал ден соолукка дагы өтө пайдалуу. Мисалга, сөөктөрүңүз ооруган кезде мончого барып балды ооруган жериңизге сүйкөп массаж жасасаңыз, денедеги суук чыгып, сөөктөрүңүз оорубай калат. Мындай ыкма организмдеги зат алмашуу процессин жакшыртат.

Ошондой эле адистер бал массажы стресстен арылууга жана уйку системасын жөнгө салууга жардам берерин айтып келет.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!